Maşını həyətin girişində park edən sürücü cərimələndi

Bakıda maşını yaşayış binasının girişində saxlayıb, sakinlərin gediş-gəlişinə mane olan sürücü cərimələnib. 

Bu barədə "Azərbaycan Reallığı"na Bakı Şəhər Dövlət Yol Polisi İdarəsindən bildirilib. 

İdarənin baş inspektoru, polis mayoru Araz Əsgərli vurğulayıb ki, sürücü ilə bağlı qanuna uyğun olaraq tədbir görülüb və o, 20 manat məbləğində cərimə edilib. 

Həmçinin, sürücünün addımı ilə əlaqədar onunla profilaktiki söhbət aparılıb.