Prezident 29 idmançıya mənzil hədiyyə etdi - VİDEO

Xəbər verdiyimiz kimi, ötən gün Xankəndi stadionunda futbol üzrə Azərbaycan Kubokunun 1/8 final mərhələsində Ağdamın “Qarabağ” və Bakının MOİK komandaları arasında keçirilən oyunun fasiləsində Azərbaycan Prezidenti İlham Əliyev 2023-cü ilin idman yekunları ilə bağlı təşkil olunmuş mərasimdə idman ictimaiyyətinin təltif edilmiş nümayəndələri ilə görüşüb.
 
"Azərbaycan Reallığı" xəbər verir ki, görüşdə idman ictimaiyyətinin 29 nümayəndəsinə mənzil hədiyyə edilib.
 
“Bu gün burada düzülən mükafatlar, mənzillərin orderləri, digər mükafat növləri sizə işğaldan azad olunmuş Xankəndi şəhərində tarixi futbol matçının fasiləsində təqdim edilir. Bu münasibətlə sizi ürəkdən təbrik etmək istəyirəm”, - deyə Prezident çıxışında bildirib.
Sözügedən çıxışın videosunu təqim edirik:
 
Qeyd edək ki, dekabrın 20-də İlham Əliyev Azərbaycanda idmanın inkişafında xidmətləri olan bir qrup şəxsin təltif edilməsi haqqında Sərəncam imzalayıb.