Türkiyədə qalmaqallı rus həkim saxlanıldı - TƏFƏRRÜAT

Moskvanın “Medicine 24/7” özəl klinikasının keçmiş baş direktoru və baş həkimi Oleq Serebryanski Türkiyədə saxlanılıb. Həkim iki ildən çox xaricdə gizlənib. O, klinikasında dünyasını dəyişən məşhur prodüser Vladimir Artsibaşevin ölümündə ittiham olunduqdan sonra Rusiya Federasiyasından qaçıb. Serebryanski Rusiyaya ekstradisiya olunub və hazırda polisimiz onunla işləyir.

"Azərbaycan Reallığı" Rusiya mediasına istinadən xəbər verir ki, Türkiyə polisi beynəlxalq axtarışda olan Serebyanskini İnterpol xətti ilə saxlayıb. O, ötən gecə Vnukovoda eniş edən mülki təyyarə ilə Rusiya Federasiyasına çatdırılıb.

Serebryanskinin "Medicine 24/7" klinikası ilə bağlı böyük qalmaqal 2019-cu ildə məşhur prodüser Vladimir Artsibaşevin orada vəfatından sonra yaranıb. Mərhumun həyat yoldaşının işinə cəlb etdiyi müstəqil ekspertiza daha sonra onun klinikanın həkimlərinin səhvi ucbatından dünyasını dəyişdiyini aşkar edib. Sonradan İstintaq Komitəsi cinayət işi başladıb.

2021-ci ilin sentyabrında Serebryanski Rusiya Federasiyası Cinayət Məcəlləsinin 238-ci maddəsi ilə - "Təhlükəsizlik tələblərinə cavab verməyən xidmətlərin göstərilməsi, bir qrup şəxs tərəfindən qabaqcadan əlbir olaraq şəxsin ölümünə səbəb olduqda" ittiham olundu.

Daha sonra klinikanın iki həkimi istintaq təcridxanasına aparılıb, direktor isə Türkiyəyə qaçıb. O, qiyabi həbs edilib və beynəlxalq axtarışa verilib.
2021-ci ilin iyununda prodüser Artsibaşevin dul arvadına hücum edilib və onun üzünə naməlum məhlul atılıb. Hadisə qadınla klinika arasında baş verən qarşıdurma ilə əlaqələndirilib.

2022-ci ilin iyun ayında "Medicine 24/7"nin qaçan sahibinin klinikasını tamamilə uzaqdan satmağa çalışdığı və alıcı axtardığı barədə məlumatlar ortaya çıxdı.

Moskvaya çatan kimi Serebryanski paytaxtın istintaq təcridxanalarından birinə aparılıb və onunla bağlı istintaq hərəkətləri aparılır. Onu altı il həbs cəzası gözləyir.