İnsan beynindəki fikirləri danışığa çevirən cihaz hazırlandı

ABŞ alimləri innovativ cihaz hazırlayıblar.

"Azərbaycan Reallığı" xarici KİV-ə istinadla xəbər verir ki, cihaz insan zehnində danışıqla bağlı düşüncələri real vaxtda danışıq sözlərinə çevirə bilir.

Süni intellektlə işləyən cihaz 18 il əvvəl insult keçirərək danışma qabiliyyətini itirmiş 47 yaşlı qadının beyninə implantasiya edilib.

Xəstə zehnində müəyyən cümlələri görüntülədikdə tədqiqatçılar elektrodlar vasitəsilə beynindəki siqnalları qeyd ediblər və insultdan əvvəl xəstənin səs yazılarından istifadə edərək yaratdıqları səs sintezatoru ilə fikirləri real vaxtda danışıq sözlərinə çeviriblər.