Rusiyada miqrantlar üçün yeni dövlət rüsumunun tətbiqi təsdiqləndi

Rusiyada əcnəbi vətəndaşın yaşayış yeri üzrə qeydiyyata alınması üçün dövlət rüsumunun tətbiqini təklif edən qanun layihəsi təsdiqlənib.

"Azərbaycan Reallığı" xəbər verir ki, bu barədə TASS Rusiya Nazirlər Kabinetindəki mənbəyə istinadla məlumat yayıb.

Bildirilir ki, qanun layihəsi iyulun 3-də Rusiya hökumətinin iclasında təsdiqlənib.

Həmçinin əcnəbi vətəndaşın yaşayış yeri üzrə qeydiyyata alınmasına görə dövlət rüsumunun artırılması nəzərdə tutulur.

Qeyd edilir ki, bu tədbirlər, bir tərəfdən, əcnəbilərin Rusiyada qalmasına nəzarəti gücləndirmək üçün vacibdir.