Model sevgilisini döyən Ziyanın şirkətinə cinayət işi açılıbmış

Model sevgilisi Razi Əliyevaya qarşı zorakılıqda ittiham olunaraq barəsində həbs qətimkan tədbiri seçilən Ziya Hüseynzadə apellyasiya şikayəti verib.

 "Azərbaycan Reallığı" xəbər verir ki, şikayətə sabah Bakı Apellyasiya Məhkəməsində baxılacaq.

Ziya Hüseynzadə ilk olaraq Razi Əliyevanın şikayəti əsasında tutulsa da, sonradan ona qarşı əlavə ittihamlar irəli sürülüb. Ona əzabvermə, xuliqanlıq, oğurluq, əmlakı məhv etmə və başqa maddələrlə cinayət işi başlanılıb.

Təqsirləndirilən şəxs ittihamları qəbul etmir, haqqında deyilənləri qarayaxma kampaniyası adlandırır.

Bundan əlavə, bu hadisə barədə məlumat yayılmazdan bir müddət əvvəl Ziya Hüseynzadənin rəhbərlik etdiyi “PKF Audit Azerbaijan” MMC ilə bağlı cinayət işi açılıb. Şirkətin Avropa Yenidənqurma və İnkişaf Bankının Azərbaycandakı nümayəndəliyinə saxta sənədlər təqdim edərək külli miqdarda kredit götürdüyü iddia olunur. (Qafqazinfo.az)

AZƏRBAYCANREALLIĞI.COM  

Bizimlə əlaqə WhatsApp (055) 8288841