Azərbaycanda Sukanal İdarəsinin həyətini su basdı

Lənkəran rayonunda Sukanal İdarəsinin həyətini su basıb.

"Azərbaycan Reallığı" xəbər verir ki, bu barədə görüntülər sosial şəbəkələrdə yayılıb. 

Belə ki, Azərbaycan Dövlət Su Ehtiyatları Agentliyinin tabeliyində olan “Azərsu” Açıq Səhmdar Cəmiyyətinin Regional Sukanal İdarəsinin Lənkəran Sukanal Sahəsinin həyətinə su dolub. 

İddia edilib ki, binaya girmək mümkün olmayıb.

Məsələ barədə “Azərsu” ASC-dən Oxu.Az-a bildirilib ki, ərazidə qar suları yığılıb:

“Rayona güclü qar yağması səbəbi ilə bu cür hal baş verib. Hazırda həmin su açıq kanallarla kənarlaşdırılır”.