Biləsuvarda bələdiyyə sədri cərimələnə BİLƏR

Biləsuvar rayonu Çinarlı-Aranlı bələdiyyəsinin sədri Rzayev Pərvi cərimələnə bilər.

"Azərbaycan Reallığı"nın məlumatına görə, bələdiyyə sədri barədə İnzibati Xətalar Məcəlləsinin 549.2-ci-( Bələdiyyələrin fəaliyyətinə inzibati nəzarəti həyata keçirən orqana mütləq təqdim olunmalı bələdiyyə aktlarının surətlərinin vaxtında təqdim edilməməsinə görə) maddəsi ilə inzibati protokol tərtib edilib.

İşə Biləsuvar rayon Məhkəməsində hakim Nüsrət Mirzəyevin sədrliyi ilə baxılacaq.

Protokol təsdiq edilərsə, bələdiyyə sədri dörd yüz manatdan altı yüz manatadək məbləğdə cərimə ediləcək.