Azərbaycanda kitabxanaların sayı azalıb, kitabxanaçılar isə artıb

Son beş ildə Azərbaycanda kitabxanaların sayı azalıb. 
 
"Azərbaycan Reallığı" xəbər verir ki, bu barədə Dövlət Statistika Komitəsi məlumat yayıb.
 
Komitənin məlumatına görə, 2018-ci ildə ölkədə 2 942 kütləvi kitabxana mövcud idisə, 2021-ci ildə 2 915, 2022-ci ildə isə kitabxanaların sayı 2 913 olub.
 
Həmçinin, ölkədə uşaq kitabxanalarının sayında da azalma qeydə alınıb. 2018-ci ildə uşaqlar üçün 89 kitabxana fəaliyyət göstərirdisə, 2022-ci ildə müəssisələrin sayı 87-yə enib.
 
Kitabxanalarla yanaşı, kitabxana fondu da azalıb. Amma maraqlıdır ki, son beş ildə kitabxana işçilərinin sayında artım olub. Belə ki, 2018-ci ildə 8 025 kitabxana işçisi vardısa, 2022-ci ildə işçilərin sayı 8 152 nəfərə çatdırılıb.