Penitensiar xidməti çağrı mərkəzi fəaliyyətə başladı - FOTOLAR

11.09.2023-cü il tarixində Ədliyyə Nazirliyi Penitensiar xidmətinin 889 Çağrı Mərkəzinin fəaliyyətə başlaması ilə əlaqədar təqdimatı keçirilib.

"Azərbaycan Reallığı" xəbər verir ki, Çağrı Mərkəzi IP telefoniya texnologiyaları əsasında zəruri proqram təminatı və texniki infrastrukturla təhciz edilib, üçrəqəmli (012) 889 vahid telefon nömrəsi əldə edilib, əməkdaşlar üçün avtomatlaşdırılmış işçi yerləri quraşdırılıb.  

Ədliyyə nazirinin müavini – Penitensiar xidmətin rəisi ədliyyə polkovniki Mirsaleh Seyidova Mərkəzin fəaliyyəti və iş prinsipi barədə məlumat verildi.

Azərbaycan Respublikasının Prezidenti cənab İlham Əliyevin insanlara layiqli xidmət göstərilməsi və vətəndaşların müraciətlərinə həssaslıqla yanaşılması ilə bağlı tövsiyə və tapşırıqlarına uyğun olaraq, şəffaflığın təmini və innovativ yeniliklərin tətbiqi vacibliyini qeyd edən Nazir müavini çıxışında Penitensiar xidmətin fəaliyyəti barədə ictimaiyyətin məlumatlandırılması, vətəndaşların ədliyyə orqanlarına əlçatanlığının təmin olunması, hüquqi maarifləndirilmənin həyata keçirilməsi məqsədilə həm kütləvi informasiya vasitələri, eləcə də rəsmi sayt və sosial şəbəkələrdəki səhifələrimizin imkanlarından geniş istifadə olunduğunu vurğuladı.

O, vətəndaşların müraciətlərinə daha çevik qaydada baxılmasının təmin edilməsində yeni yaradılmış Çağrı Mərkəzinin mühüm əhəmiyyət daşıyacağını bildirdi. Nazir müavini Çağrı Mərkəzinə ilk zəngi edərək onun fəaliyyətinə start verdi.

Çağrı Mərkəzi ilə bağlı vətəndaşlara məlumatın verilməsi məqsədilə cəzaçəkmə müəssisələri və istintaq təcridxanalarında müvafiq informasiya lövhələrinin yerləşdirilməsi təmin ediləcəkdir.



AZƏRBAYCANREALLIĞI.COM    

Bizimlə əlaqə WhatsApp (055) 8288841