“İrəvan qarışır, Azərbaycan Ordusu daha uyğun mövqeləri ələ keçirəcək” - Şok iddia

Ermənistan vətəndaş müharibəsi təhdidi qarşısındadır.

Azerbaycanrealligi.com xəbər verir ki, bu sözləri İşıqlı Ermənistan Partiyasının sədri Edmon Marukyan bugünkü mətbuat konfransında seçkilərlə bağlı danışarkən deyib.

“Bizdə elə bir vəziyyət yaranıb ki, əgər keçmiş və hazırkı hakimiyyət indiki mübarizə ruhunu davam etdirsə, toqquşmadan qaça bilməyəcəyik və bu, çox ciddi problem yaradacaq”, – Marukyan bildirib.

Marukyan iddia edib ki, ölkədə toqquşma baş versə, Azərbaycan Ordusu daha uyğun mövqeləri ələ keçirəcək.

Xatırladaq ki, Ermənistanda növbədənkənar seçkilər 20 iyunda keçiriləcək. Sabahdan isə seçkiqabağı kampaniya başlayır. (Axar.az)

Azerbaycanrealligi.com