Ölkədə rus dili qadağan olunmalıdır – Sarqsyanın rus dilində çıxışı

Mən özüm rus dilində pis danışmıram. Amma aqressiv mövqedən çıxış edərək bildirirəm ki, rus dilini tamamilə qadağan etmək lazımdır.

"Azərbaycan Reallığı" xəbər verir ki, bunu erməni politoloq Karen Sarqsyan deyib.

Maraqlıdır ki, o, çıxışı zamanı məhz rus dilində danışarkən belə bir təklif irəli sürüb:

“Ermənistan ərazisində qadağan olunmalıdır. Rus dilindən istifadəyə görə cinayət təqibinin tətbiqinə başlanmalıdır”.

Sarqsyan özünü bu yöndə “radikal” hesab etdiyini söyləyib və haradansa başlamağın zəruri olduğunu dilə gətirib.