Avtomatı gözübağlı söküb-yığan məktəbli qız danışdı: “Onun sayəsində vətənpərvər olmağı öyrəndik” - VİDEO

10-cu sinif şagirdi avtomatı saniyələr içərisində gözübağlı vəziyyətdə söküb-yığır.

"Azərbaycan Reallığı" xəbər verir ki, söhbət 67 nömrəli tam orta məktəbdə təhsil alan Ayan Həsənovadan gedir. O, silahı 10 saniyəyə gözübağlı şəkildə sökür, eyni çevikliklə də yığır. Bütün bunları xüsusi dəqiqliklə yerinə yetirən Ayan həm də “Şahinlər” komandasının kapitanıdır.
 
Sinifdə digər şagirdlər də “Çağrışaqədərki hazırlıq” dərsində ilkin hərbi biliklərə yiyələnirlər.

Şagirdlərə vətənpərvərlik ruhu aşılayan müəllim isə ehtiyatda olan polkovnik-leytenant Muraz Sadıqovdur. O, Aprel və Tovuz döyüşlərinin, eləcə də Vətən müharibəsinin iştirakçısıdır.